Jugendkommissioun

Aufgab vun der Kommissioun : 


D'Jugendkommissioun ass haaptsächlech dofir do, eis ronn 120 Jugendspiller aus alle 6 Alterskategorien ze encadréieren. Dëss nobel sozio-edukativ, kulturell a sportlech Missioun setzt vill gewëssenhaft Aarbecht viraus, di an der Beggener Jugendkommissioun eenzeg an alleng benevol gemaach gëtt.
D'Jugendkomissioun entwéckelt intern Projeten, di den Nowuess am Beggener Fussball betreffen, wéi zum Beispill Turnéier.
Si suergt derfir, dass d'Ideen vun de Beggener Jugendspiller am Veräin gehéiert ginn.
Si dréit derzou bäi, dass d'Kanner an di Jugendlech fréi an d'Veräinsliewen integréiert ginn a baibruecht kréien, Responsabilitéiten ze iwwerhuelen.
Wäerter wéi Solidaritéit, Ethik a Fair Play am Sport gi bei der Jugendkommissioun grouss geschriwwen.
Si schafft enk mat den Traineren a Responsabele vum Veräin zesummen.
Si probéiert, d'sportlëch Ziler, di een sech gesat huet, esou gutt wi méiglech ëmzesetzen an hält de Comité doriwwer um Lafenden.
Iwwert de sportleche Volet eraus assuréiert d'Jugendkommissioun awer och eng edukativ Missioun: si passt op dass d'Jugendspiller sech korrekt behuelen a sicht den Dialog mat den Elteren.
An anere Wieder suergt d'Jugendkommissioun derfir dass d'Veräinspolitik am Jugendberäich vu jidderengem applizéiert a respektéiert gëtt.

 

jugendkommissioun lr 

 

Adresse:

FC Avenir Beggen
Commission des jeunes
B.P. 25
L-7201 Bereldange
Luxembourg 

Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

 

Partenaires

  fortuna2luna-logologo rollinger4ever2