FC AVENIR BEGGEN

 

Dat eenzegt konstant op dëser Welt ass d’Verännerung, a wéi all Mënsch, muss och e Veräin léieren mat Verännerungen richteg ëmzegoen. D’Verännerungen déi an deene leschte Joren op den Avenir Beggen duerkomm sinn, hu vill Leit veronséchert, an dat huet sech och leider negativ op d’Leeschtung vun onser 1ter Ekipp ausgewierkt. Mir als Comité hu bestëmmt och net alles richteg gemaach, mee een dee näischt mécht, dee näischt brécht! Da wat elo zielt, ass de Bléck no vir, den Zesummenhalt, an de Wëllen et besser ze maachen an aus de Feeler ze léieren.

 

Mir sinn dozou bereet, an och wa mir elo dee battere Wee an 2t Divisioun mussen untrieden, gesi mir dat als eemoleg Chance un, gestäerkt aus der Phase erauszekommen, an de Wee nees zréck no vir ze fannen. Et wäert keen einfache Wee ginn, mee wéi heescht et esou gutt “it always seems impossible, until it’s done!”

 

D’Ekipp steet bereet, d’Ziel ass bekannt, elo fänkt d’Ëmsetzung un!

 

Mir zielen op Är Ënnerstëtzung!

 

Zesumme no vir, mam Avenir.